Hans-Joachim Watzke, stjórnarformaður Dortmund, hefur nefnt sinn uppáhalds leikmann í Bayern Munchen en þessi tvö lið mætast á morgun.
Leikmaðurinn umtalaði er Joshua Kimmich sem hefur fest sig í sessi í liði Bayern og er einn sá besti í sinni stöðu í dag.
Kimmich spilar aðallega hægri bakvörð á Allianz Arena og á að baki 50 landsleiki fyrir Þýskaland.
„Sá leikmaður sem mér hefur líkað best við síðustu ár er Joshua Kimich," sagði Watzke við Sport Bild.
„Það er í raun pirrandi hversu góður hann er og hann skorar alltaf gegn okkur. Hvernig hann gerir það er magnað. Hann hefur þroskast á ótrúlegan hátt."
„Þetta er strákur sem ég er gríðarlega hrifinn af."
Leikur Dortmund og Bayern fer fram á heimavelli þess fyrrnefnda og hefst klukkan 17:30 á morgun.
Athugasemdir