Þýska félagið Borussia Dortmund hefur tryggt farseðilinn á HM félagsliða 2025.
RB Leipzig datt út í 16-liða úrslitum Meistaradeildarinnar í gær og eru það úrslit sem Dortmund-menn gátu fagnað.
Ástæðan er sú að Dortmund verður áfram fyrir ofan Leipzig á stigalista UEFA, þar sem tekið er á mark á árangri síðustu fjögurra ára.
Þar sem Leipzig datt út er ljóst að Dortmund verður áfram fyrir ofan liðið og hefur því formlega tryggt sæti sitt á næsta HM félagsliða, en Dortmund og Bayern München verða fulltrúar Þýskalands.
Ásamt Bayern og Dortmund eru Benfica, Chelsea, Inter, Manchester CIty, Porto og Real Madrid komin inn í keppnina, en þrjú sæti eru enn óráðin. Sigurvegari Meistaradeildarinnar mun fá þátttöku á mótinu og þá bætast við lið frá Ítalíu og Spáni.
Einnig eru nokkur sæti óráðin í öðrum heimsálfum, en þau sem eru komin áfram eru Al-Hilal, Urawa Red Diamonds, Al-Ahly, Wydad, Monterrey, Leon, Seattle Sounders, Flamengo, Fluminense, Palmeiras og Auckland City.
Alls munu 32 lið taka þátt í keppninni sem fer fram sumarið 2025.
Congratulations to @BVB on qualifying for the FIFA Club World Cup 2025! ????
— FIFA (@FIFAcom) March 6, 2024
As a result of @RBLeipzig’s @ChampionsLeague elimination, Dortmund are now assured of a spot via the ranking pathway and will join @FCBayern as Germany’s representatives at next year’s tournament. pic.twitter.com/vqD8KFfVAY
Athugasemdir