HK hefur tekist að næla sér í Hildi Maríu Jónasdóttur á lánssamningi frá FH sem gildir út tímabilið.
Hildur María er 22 ára miðjumaður sem er alin upp hjá Breiðabliki og á leiki að baki fyrir meistaraflokka Augnabliks, FH og ÍH.
Hildur á 56 leiki að baki í Lengjudeild kvenna og gæti reynst mikilvæg fyrir HK í sumar.
HK-ingar enduðu í þriðja sæti deildarinnar á síðustu leiktíð, þremur stigum frá sæti í efstu deild. Kópavogsstúlkur stefna hátt í sumar og gæti Hildur sinnt mikilvægu hlutverki þegar hún kemur aftur til Íslands í maí.
Hún er stödd í Bandaríkjunum þessa stundina, þar sem hún stundar nám við California State University í Bakersfield og spilar fyrir CSU Roadrunners í háskólaboltanum.
Hildur leikur sem varnarsinnaður miðjumaður.
Athugasemdir