Marokkóska landsliðið var í Gíneu um helgina þar sem liðin áttu að mætast í undankeppni HM 2022 en fresta þurfti leiknum vegna valdaráns.
Ástandið í Gíneu var fljótt að breytast og hljóp fólk fagnandi út á götu eins og gerist yfirleitt eftir valdarán í Afríku, sama hver á þar í hlut.
Marokkósku leikmennirnir urðu smá skelkaðir á leið sinni aftur upp á flugvöll í Gíneu þar sem göturnar voru fullar af æstu fólki.
„Við leikmennirnir vorum smá hræddir en komumst aftur til Marokkó öruggir. Ég vil þakka Paris Saint-Germain fyrir að sýna þessu áhuga og bjóða fram hjálp sína við að koma öllu landsliðinu aftur til Marokkó," sagði Achraf Hakimi, bakvörður Marokkó og PSG.
Athugasemdir