Perez var spurður út í mögulega komu Mbappe í gær og bauð þá upp á ansi áhugavert svar.

„Við vonum að allt verði klárt þann 1. Janúar,“ sagði Perez en Mbappe má ræða við önnur félög í byrjun næsta árs.

Ástæðan er sú að Frakkinn verður samningslaus næsta sumar og hefur ekki viljað framlengja í París.

PSG er þó enn að reyna að sannfæra Mbappe um að skrifa undir en hann er einn allra besti framherji heims um þessar mundir.

Mbappe gæti endað á að fara frítt til Real sem væri skellur fyrir franska félagið fjárhagslega.