Sölvi Geir Ottesen.
Varnarmaðurinn öflugi Sölvi Geir Ottesen hefur staðfest að atvinnumannaferlinum erlendis sé lokið.
Hinn 33 ára gamli Sölvi hefur verið orðaður við FH og fleiri félög í Pepsi-deildinni.
Sölvi hefur undanfarnar mánuði leikið með Guangzhou R&F í Kína en hann hefur verið í atvinnumennsku erlendis síðan árið 2004.
Hinn 33 ára gamli Sölvi hefur verið orðaður við FH og fleiri félög í Pepsi-deildinni.
Sölvi hefur undanfarnar mánuði leikið með Guangzhou R&F í Kína en hann hefur verið í atvinnumennsku erlendis síðan árið 2004.
„Tíma mínum erlendis er að ljúka og ég vil þakka öllu fólki, liðsfélögum, starfsfólki, stuðningsmönnum, vinum og fjölskyldu sem tóku þátt í þessu ferðalagi með mér," sagði Sölvi á Instagram í dag.
Sölvi hefur á atvinnumannaferlinum spilað með Djurgarden í Svíþjóð, SönderjyskE og FC Kaupmannahöfn í Danmörku, Ural í Rússlandi, Jiangsu Sainty, Wuhan Zall og Guangzhou R&F í Kína sem og Buriram United í Tælandi.
Athugasemdir
