Elías Már Ómarsson var hetja NAC Breda þegar liðið lagði Jong Ajax á útivelli í næst efstu deild í Hollandi í kvöld.
Hann skoraði eina mark leiksins eftir um klukkutíma leik en NAC Breda er í 7. sæti með 46 stig eftir sigurinn. Þetta er annar leikurinn í röð sem Elías Már kemur að marki en hann lagði upp eitt í 3-1 sigri liðsins á Jong Utrecht um síðustu helgi.
Rúnar Þór Sigurgeirsson kom inn á sem varamaður í 3-0 sigri Willem II gegn Eindhoven FC. Liðið er á toppnum með 60 stig.
Willum Þór Willumsson spilaði allan leikinn í 1-0 tapi Go Ahead Eagles gegn PSV i efstu deild. Go Ahead Eagles er í 6. sæti með 37 stig en PSV er á toppnum með 69 stig.
Stefán Ingi Sigurðarson var ónotaður varamaður þegar Patro Eisden gerði 2-2 jafntefli gegn u23 ára liði Genk í næst efstu deild í Belgíu. Patro Eisden er í 4. sæti með 41 stig, sex stigum á eftir toppliði Beerschot.
