Börsungar eru í þriðja sæti sem stendur og geta stokkið yfir Girona og upp í annað sæti með sigri í kvöld.

Valencia á heimaleik skömmu eftir hádegi á morgun, áður en Atlético Madrid heimsækir Cádiz. Atlético er í fjórða sæti deildarinnar, þremur stigum eftir Barca.

Real Sociedad á svo útileik í Granada áður en Girona mætir Osasuna í lokaleik kvöldsins. Þar þarf spútnik lið Girona sigur eftir afar slæmt gengi á síðustu vikum, þar sem liðið er búið að tapa þremur af síðustu fjórum deildarleikjum sínum.

Á sunnudaginn á Athletic Bilbao útileik í meistaradeildarbaráttunni áður en topplið Real Madrid fær fallbaráttulið Celta Vigo í heimsókn. Real er með sjö stiga forystu sem stendur, þegar ellefu umferðir eru eftir af deildartímabilinu.

Real Betis og Villarreal eigast við í síðasta leik sunudagsins, áður en sigurlaust botnlið Almeria tekur á móti Sevilla.

Föstudagur:
20:00 Barcelona - Mallorca

Laugardagur:
13:00 Valencia - Getafe
15:15 Cadiz - Atletico Madrid
17:30 Granada CF - Real Sociedad
20:00 Girona - Osasuna

Sunnudagur:
13:00 Alaves - Vallecano
15:15 Las Palmas - Athletic Bilbao
17:30 Real Madrid - Celta
20:00 Betis - Villarreal

Mánudagur:
20:00 Almeria - Sevilla