Pierre-Emerick Aubameyang leikmaður Arsenal segir að reynslan hafi hjálpað honum mikið við að venjast lífinu á Englandi en hann kom til Arsenal frá Dortmund í janúar.
„Ég ferðaðist mikið þegar ég var yngri vegna þess að pabbi minn var fótboltamaður," sagði Aubameyang í viðtali við heimasíðu Arsenal.
„Ég hef upplifað marga menningarheima og mörg tungumál svo það er mjög gott að hafa þá reynslu með sér þegar maður flytur á milli landa, reynslan hjálpaði mér klárlega mikið við að aðlagast."
Aubameyang og félagar hans í Arsenal mæta Southampton í dag á Emirates leikvanginum klukkan 13:15.
Athugasemdir
