Ívar Orri Kristjánsson og Þorvaldur Árnason dæma báðir leiki í Evrópudeildinni í þessari viku.
Ívar Orri verður dómari á viðureign serbneska liðsins FK Cukaricki og FC Banants frá Armeníu í Evrópudeild UEFA, en liðin mætast í Serbíu á fimmtudag.
Aðstoðardómarar verða þeir Birkir Sigurðarson og Oddur Helgi Guðmundsson og varadómari verður Helgi Mikael Jónsson. Eftirlitsmaður leiksins verður síðan Lettinn Andrejs Sipailo.
Þorvaldur verður dómari í viðureign FK Partizani frá Albaníu og Qarabag frá Aserbaídsjan, sem mætast í forkeppni Meistaradeildarinnar. Leikurinn fer fram í Tirana í Albaníu á miðvikudag.
Aðstoðardómarar verða þeir Jóhann Gunnar Guðmundsson og Andri Vigfússon, og varadómari Pétur Guðmundsson. Eftirlitsmaður UEFA á leiknum verður Konrad Plautz frá Austurríki
Athugasemdir