Franski framherjinn Olivier Giroud er með samningstilboð frá Inter í höndunum en þetta kemur fram á Goal.com.
Giroud, sem er 33 ára gamall, hefur lítið fengið að spreyta sig með Chelsea á þessari leiktíð og er hann að hugsa sér til hreyfings í janúarglugganum.
Hann hefur spilað fimm leiki í ensku úrvalsdeildinni og ekki enn tekist að skora en Tammy Abraham og Michy Batshuayi eru á undan honum í goggunarröðinni.
Samkvæmt Goal.com er ítalska félagið Inter búið að gera Giroud samningstilboð en hann myndi fá sömu laun og hann fær nú þegar hjá Chelsea og samning til 2022.
Inter á enn eftir að komast að samkomulagi við Chelsea um kaupverð en Frank Lampard, stjóri Chelsea, hefur sjálfur tjáð sig um framtíð leikmannsins og gefur hann í skyn að hann sé á útleið.
Athugasemdir