Inter Miami 2 - 3 CF Montreal
0-1 Fernando Alvarez ('13)
1-1 Leonardo Campana ('71)
1-2 Matias Coccaro ('75)
1-3 Ibrahim Sunusi ('78)
2-3 Jordi Alba ('80)
0-1 Fernando Alvarez ('13)
1-1 Leonardo Campana ('71)
1-2 Matias Coccaro ('75)
1-3 Ibrahim Sunusi ('78)
2-3 Jordi Alba ('80)
Lionel Messi var fjarri góðu gamni er Inter Miami tók á móti CF Montreal í MLS deildinni í kvöld.
Messi var fjarverandi vegna smávægilegra meiðsla og gat því ekki hjálpað liðsfélögunum sínum gegn Montreal.
Róbert Orri Þorkelsson er samningsbundinn Montreal en hann á það sameiginlegt með Messi að vera fjarverandi vegna meiðsla og var hvorugur þeirra í hóp.
Jordi Alba byrjaði í stöðu vinstri vængbakvarðar á meðan Sergio Busquets og Luis Suarez sátu á bekknum til að byrja með, enda þurftu þeir hvíld eftir sigurleik gegn Nashville fyrir tæpum þremur sólarhringum síðan.
Leikurinn var nokkuð jafn, gestirnir frá Montreal voru sterkari í fyrri hálfleik og tóku forystuna á þrettándu mínútu. Busquets og Suarez komu inn af bekknum í fjörugum síðari hálfleik, þar sem Inter var sterkari aðilinn en Montreal nýtti færin sín gríðarlega vel.
Leonardo Campana jafnaði fyrir Inter á 71. mínútu en gestirnir tóku forystuna skömmu síðar og tvöfölduðu hana í kjölfarið.
Jordi Alba minnkaði muninn niður í eitt mark á 80. mínútu og var sóknarþungi Inter mikill á lokakaflanum, en heimamönnum tókst ekki að skora þriðja markið til að bjarga stigi.
Niðurstaðan því 2-3 sigur Montreal og eru bæði lið með sjö stig á toppi austurluta MLS deildarinnar, en Montreal á leik til góða.
Þetta er fyrsta tap Inter Miami á nýju tímabili í MLS deildinni.
Athugasemdir