Real Madrid tók á móti Celta Vigo í efstu deild spænska boltans í dag og uppskar þægilegan 4-0 sigur.
Vinicius Junior skoraði eina markið í fyrri hálfleik og hjálpuðu tvö sjálfsmörk að tryggja sigurinn fyrir heimamenn í Madríd, áður en tyrkneski táningurinn Arda Güler kom inn af bekknum og skoraði sitt fyrsta mark fyrir félagið skömmu síðar.
Real er með sjö stiga forystu á toppi deildarinnar, með 69 stig eftir 28 umferðir. Celta er áfram í fallbaráttu, tveimur stigum fyrir ofan fallsæti.
Gorka Guruzeta skoraði þá eina markið í fyrri hálfleik er Athletic Bilbao vann góðan útivallarsigur í Las Palmas.
Sjálfsmark í seinni hálfleik innsiglaði óverðskuldaðan sigur, þar sem heimamenn í Las Palmas voru sterkari aðilinn og klúðruðu góðum færum.
Athletic er áfram í fimmta sæti eftir þennan sigur, en aðeins tveimur stigum á eftir Atlético Madrid í meistaradeildarsæti.
Alavés hafði að lokum betur gegn Rayo Vallecano í neðri hluta deildarinnar. Vallecano er aðeins fjórum stigum frá fallsæti á meðan Alavés siglir lygnan sjó, enda með sex stigum meira.
Real Madrid 4 - 0 Celta
1-0 Vinicius Junior ('21 )
2-0 Vicente Guaita ('79 , sjálfsmark)
3-0 Carlos Dominguez ('88 , sjálfsmark)
4-0 Arda Guler ('94 )
Las Palmas 0 - 2 Athletic
0-1 Gorka Guruzeta ('31 )
0-2 Saul Coco ('65 , sjálfsmark)
Alaves 1 - 0 Rayo Vallecano
1-0 Andoni Gorosabel ('44 )
Athugasemdir