Fram kemur hjá The Athletic að Leeds sé að einbeita sér að því núna að kaupa spænska miðjumanninn Marc Roca frá Bayern München í Þýskalandi.

Félagið er nú þegar búið að kaupa tvo leikmenn frá Salzburg í Austurríki; þá Brenden Aaronson og Rasmus Kristensen.

Roca er 25 ára gamall miðjumaður sem kom til Bayern frá Espanyol fyrir tveimur árum.

Hann hefur ekki verið í mjög stóru hlutverki hjá Bayern og er sagður fáanlegur fyrir 10 milljónir punda í sumar.

West Ham er líka með augastað á leikmanninum að sögn The Athletic, en Leeds er byrjað að vinna í því að kaupa hann.