Sögusagnir voru um það á dögunum að það væri klásúla í samningi Aguero sem myndi hleypa honum annað ef Messi væri ekki samningsbundinn spænska félaginu.

Það er talið að Messi hafi spilað stórt hlutverk í ákvörðun Aguero að ganga í raðir Barcelona frá Manchester City. Þeir eru saman í argentínska landsliðinu.

Aguero harðneitar þessum fréttum og er virðist vera ekki á förum þrátt fyrir brottför Messi.

„Ég veit ekki af hverju það var talað um þetta. Þegar ég skrifaði undir þá hafði Leo ekki skrifað undir neitt," sagði Aguero.

„Þeir voru nálægt samningum. Það var bullað um einhverja klásúlu sem var aldrei til staðar."