Liverpool heimsækir svo Brighton og þarf sigur til að eiga ekki í hættu á að leikmenn missi sjálfstraust, en liðið er búið að tapa tveimur leikjum í röð.

Íslendingaliðin Burnley og Cardiff eiga mikilvæga heimaleiki samtímis, gegn Fulham og Huddersfield í fallbaráttunni. Jóhann Berg Guðmundsson er tæpur vegna meiðsla í liði Burnley en Aron Einar Gunnarsson verður að öllum líkindum í byrjunarliði Cardiff.

Chelsea tekur á móti Newcastle í síðasta leik dagsins og byrjar sunnudagurinn á spennandi viðureign Everton og Bournemouth, þar sem Gylfi Þór Sigurðsson gæti leikið stórt hlutverk.

Seinni sunnudagsleikurinn er jafnframt stórleikur helgarinnar. Þar tekur Tottenham á móti frísku liði Manchester United sem er búið að vinna fimm leiki í röð frá því að Ole Gunnar Solskjær tók við stjórn.

Síðasti leikur 22. umferðar fer fram að mánudagskvöldi. Englandsmeistarar Manchester City taka þar á móti Wolves, sem sló Liverpool úr bikarnum síðasta mánudag.

Laugardagur:
12:30 West Ham - Arsenal (Stöð 2 Sport)
15:00 Brighton - Liverpool (Stöð 2 Sport)
15:00 Burnley - Fulham
15:00 Cardiff - Huddersfield
15:00 Crystal Palace - Watford
15:00 Leicester - Southampton
17:30 Chelsea - Newcastle (Stöð 2 Sport)

Sunnudagur:
14:15 Everton - Bournemouth (Stöð 2 Sport)
16:30 Tottenham - Man Utd (Stöð 2 Sport)

Mánudagur:
20:00 Man City - Wolves (Stöð 2 Sport)