Grótta vann Grindavík 4-0 í riðli 2 A-deild Fótbolta.net mótsins í dag en leikurinn fór fram á Vivaldi-vellinum.

Pétur Theodór Árnason, sem var á dögunum valinn íþróttamaður Gróttu fyrir afrek sín með liðinu, kom heimamönnum yfir áður en Óliver Dagur Thorlacius bætti við öðru.

Kristófer Orri Pétursson gerði þá tvö mörk til viðbótar til að sigla sigrinum heim.

Fínasta byrjun Gróttu á undirbúningstímabilinu sem spilar í Pepsi Max-deildinni í sumar.

Í sama riðli gerði ÍA 2-2 jafntefli við Stjörnuna en þetta voru fyrstu leikir liðanna.

Markaskorarar af urslit.net