Ægir er komið upp í annað sæti 2. deildar karla eftir 2-1 sigur á Völsungi á Þorlákshafnarvellinum í dag.

Áki Sölvason, sem er á láni frá KA, kom Völsungi yfir á 3. mínútu leiksins áður en Dimitrije Cokic náði inn mikilvægu jöfnunarmarki undir lok fyrri hálfleiks.

Cokic var síðan aftur á ferðinni undir lok leiks og tryggði Ægismönnum stigin þrjú með marki á 88. mínútu.

Ægir fer upp í annað sæti með sigrinum og er með 16 stig eftir sex leiki en Völsungur í þriðja sæti með 13 stig.