Ítalía þarf að passa sig á Raheem Sterling í kvöld að sögn landsliðsþjálfarans Roberto Mancini.
England og Ítalía mætast í úrslitaleik EM í kvöld og þar mætir Sterling til leiks sem hefur verið öflugur á mótinu til þessa.
„England er með gott lið og eru með marga góða leikmenn á bekknum. Við komumst hingað líka og það þýðir að við séum líka með gott lið," sagði Mancini.
„Sterling hefur bætt sig mikið og er afskaplega fljótur, við þurfum að passa okkur á honum."
„Þeir eru líka með Harry Kane. Í sókninni eru þeir með góða tekníska og hraða leikmenn."
Athugasemdir