Fótbolti.net

fös 12. apríl 2019 05:55

Arnar Helgi Magnússon

England um helgina - Stenst Liverpool síðasta stóra prófið?

Liverpool mætir Chelsea

Mynd: Getty Images

Burnley mætir Cardiff

Mynd: Getty Images

Gengur lítið þessa dagana

Mynd: Getty Images

34. umferð ensku úrvalsdeildarinnar hefst í kvöld þegar Leicester tekur á móti Newcastle á King Power vellinum. Lið Leicester er óstöðvandi þessa dagana en liðið hefur unnið fjóra leiki í röð.

Tottenham fær Huddersfield í heimsókn í fyrsta leik dagsins á morgun. Tottenham vann góðan sigur á Manchester City í vikunni þegar liðin mættust í 8-liða úrslitum Meistaradeildarinnar. Huddersfield er fallið.

Það verður síðan Íslendingaslagur á Turf Moor þegar Jóhann Berg Guðmundsson og Aron Einar Gunnarsson mætast. Burnley er svo gott sem búið að bjarga sér frá falli á meðan útlitið er ekki gott fyrir Aron Einar og félaga í Cardiff.

Gylfi Þór Sigurðsson fer með liði sínu, Everton, til Lundúna þar sem að liðið mætir föllnu liði Fulham. Everton-liðið hefur verið að spila vel undanfarið og hefur liðið unnið þrjá leiki í röð.

West Ham mætir á Old Trafford í síðasta leik morgundagsins. Manchester United hefur nú tapað fjórum af síðustu fimm leikjum sínum. Liðið þarf á öllum þremur stigunum að halda ætli liðið sér að vera áfram í baráttunni um Meistaradeildarsætið.

Tveir leikir eru á dagskrá á sunnudag. Englandsmeistarar Manchester City mæta Crystal Palace í fyrri leik dagsins en klukkan 15:30 verður flautað til leiks í stórleik helgarinnar sem að fram fer á Anfield.

Liverpool fær þá Chelsea í heimsókn en þetta er síðasti leikur Liverpool gegn liðunum í efstu sex sætum deildarinnar. Útlitið verður því ansi gott ef að liðið nær að sækja stigin þrjú. Chelsea er í baráttunni um Meistaradeildarsætið og munu bláklæddir því væntanlega selja sig ansi dýrt.

Umferðinni lýkur á mánudagskvöld þegar Arsenal heimsækir Watford.

Í kvöld:
19:00 Leicester - Newcastle (Stöð 2 Sport 2)

Laugardagur:
11:30 Tottenham - Huddersfield (Stöð 2 Sport)
14:00 Brighton - Bournemouth
14:00 Burnley - Cardiff City
14:00 Fulham - Everton (Stöð 2 Sport)
14:00 Southampton - Wolves
16:30 Man Utd - West Ham (Stöð 2 Sport )

Sunnudagur:
13:05 Crystal Palace - Man City (Stöð 2 Sport)
15:30 Liverpool - Chelsea (Stöð 2 Sport)

Mánudagur:
19:00 Watford - Arsenal (Stöð 2 Sport 2)

		L	U	J	T	ms:	mf:	mun	Stig
1	Arsenal	34	24	5	5	82	26	+56	77
2	Man City	33	23	7	3	80	32	+48	76
3	Liverpool	34	22	8	4	75	34	+41	74
4	Aston Villa	34	20	6	8	71	50	+21	66
5	Tottenham	32	18	6	8	65	49	+16	60
6	Man Utd	33	16	5	12	51	50	+1	53
7	Newcastle	33	15	5	13	69	54	+15	50
8	West Ham	34	13	9	12	54	63	-9	48
9	Chelsea	32	13	8	11	61	57	+4	47
10	Bournemouth	34	12	9	13	49	60	-11	45
11	Brighton	33	11	11	11	52	54	-2	44
12	Wolves	34	12	7	15	46	54	-8	43
13	Fulham	34	12	6	16	50	54	-4	42
14	Crystal Palace	34	10	9	15	44	56	-12	39
15	Brentford	34	9	8	17	52	59	-7	35
16	Everton	34	11	8	15	36	48	-12	33
17	Nott. Forest	34	7	9	18	42	60	-18	26
18	Luton	34	6	7	21	47	75	-28	25
19	Burnley	34	5	8	21	37	69	-32	23
20	Sheffield Utd	34	3	7	24	33	92	-59	16