„Hann er góður á hverjum degi á æfingunum hjá okkur. Þetta hefur verið erfitt hjá honum eftir tímann hjá Manchester City þar sem hann fékk lítið að spila. Það er því skiljanlegt að það sé erfitt fyrir hann að spila í svona leikjum,“ segir Soucek.

„En við styðjum hann. Við stöndum með honum. Hann er ótrúlega vinnusamur. Ég er hrifinn af leikstíl hans og óska honum alls hins besta í framtíðinni, hann verður mikilvægur fyrir okkur. Það sést á æfingum hversu góður hann er."

David Moyes stjóri West Ham tekur í sama streng.

„Kalvin Phillips þarf bara að halda haus og halda áfram að vinna vel og þá munu hlutirnir snúast honum í hag," segir Moyes.

Phillips er í baráttu um að komast í enska landsliðshópinn en þó hann hafi ekki fengið mikið að spila hjá City hefur hann alltaf staðið sig vel þegar hann hefur spilað fyrir þjóð sína.