Cremonese er án þjálfara eftir að Massimiliano Alvini var látinn taka poka sinn í dag eftir 3-2 tapið gegn Monza í Seríu A.
Alvini var ráðinn til félagsins í sumar en þetta var fyrsta starf hans í efstu deild.
Cremonese kom sér upp í efstu deild eftir síðasta tímabili er það lenti í 2. sæti B-deildarinnar.
Liðið er í neðsta sæti í Seríu A og án sigurs úr fyrstu átján leikjunum en liðið hefur tapað ellefu og gert sjö jafntefli.
Alvini var látinn fara í dag en ekki hefur verið tekið ákvörðun um hver tekur við keflinu af honum.
Athugasemdir
