Úlfarnir og KÁ áttust við í síðasta leik dagsins í Lengjubikarnum og tók KÁ forystuna í fyrri hálfleik, þegar Bjarki Sigurjónsson skoraði á 22. mínútu.

Staðan var 0-1 í leikhlé og opnuðust flóðgáttirnar í síðari hálfleik, þegar KÁ stakk af.

Bjarki átti eftir að bæta tveimur mörkum við leikinn til að fullkomna þrennuna sína og þá komust Ágúst Jens Birgisson og Ólafur Sveinmar Guðmundsson einnig á blað.

KÁ er með fullt hús stiga eftir þrjár fyrstu umferðirnar í C-deild Lengjubikarsins. Úlfarnir eiga aðeins eitt stig.