Á morgun verður landsliðshópurinn fyrir komandi umspilsleik gegn Ísrael tilkynntur. Ísland spilar alltaf tvo leiki í komandi landsleikjaglugga, fyrst gegn Ísrael og svo annað hvort úrslitaleik gegn Úkraínu eða Bosníu eða þá vináttuleik.
Ef Ísland sigrar Ísrael þá mætir liðið sigurliðinu úr viðureign Úkraínu og Bosníu í úrslitaleik um sæti á EM. Ef leikurinn gegn Ísrael tapast þá spilar Ísland vináttuleik gegn liðinu sem tapar í einvígi Úkraínu og Bosníu.
Ef Ísland sigrar Ísrael þá mætir liðið sigurliðinu úr viðureign Úkraínu og Bosníu í úrslitaleik um sæti á EM. Ef leikurinn gegn Ísrael tapast þá spilar Ísland vináttuleik gegn liðinu sem tapar í einvígi Úkraínu og Bosníu.
Dr. Football greinir frá því á Twitter að Rúnar Alex Rúnarsson verði ekki í landsliðshópnum á morgun. Rúnar Alex, sem er leikmaður FCK í Danmörku, var aðalmarkvörður landsliðsins fram á síðasta haust en var á bekknum í síðustu þremur keppnisleikjum.
Patrik Sigurður Gunnarsson hefur verið nálægt íslenska hópnum og gæti hann tekið sæti Rúnars Alex í hópnum, það kemur í ljós seinni partinn á morgun þegar hópurinn verður opinberaður. Búast má við því að Hákon Rafn Valdimarsson og Elías Rafn Ólafsson verði sömuleiðis í hópnum. Hákon Rafn varði mark liðsins í síðasta keppnisleik sem var gegn Portúgal í nóvember.
Rúnar Alex er ekki í landsliðshóp Íslands í play-off leikjunum síðar í mánuðinum ef marka má okkar fólk í Laugardalnum. Sóli Hólm mætir fyrir hönd Vesturbæinga og ræðir ákvörðun Age Hareide á mannamáli.
— Dr. Football Podcast (@drfootballpod) March 14, 2024
Sóli fór og fylgdist með lærisveinum sínum í Liverpool um síðustu helgi… pic.twitter.com/EJIL8cSmD3
Athugasemdir