Matthijs de Ligt varð í gær yngsti fyrirliði í sögu útsláttarkeppni Meistardeildarinnar þegar Ajax og Real Madrid áttust við.
Fyrra metið átti Cesc Fabregas en hann var 21 árs gamall þegar hann var fyrirliði Arsenal í útsláttarleik í Meistaradeildinni árið 2009.
Þetta er líklega síðasta tímabil De Ligt hjá Ajax. Hann hefur verið orðaður við flest stórlið í Evrópu. Barcelona er líklegast til að landa honum.
Rene van der Gijp, fyrrum leikmaður hollenska landsliðsins, segir að Hollendingar eigi von á góðu með De Ligt og Virgin Van Dijk í vörninni næstu árin.
„Það væri gjörsamlega frábært að hafa þessa tvo í varnarlínunni næstu 5-6 árin."
„Ef að þeir halda báðir áfram á sömu braut þá verður þetta besta miðvarðapar í heiminum í nokkur ár, ekki spurning," sagði Rene van der Gijp.
Athugasemdir