Man City afrekaði fyrstu stóru þrennu sögu sinnar í fyrra, þegar liðið vann ensku úrvalsdeildina, FA bikarinn og Meistaradeildina. Er það eitthvað sem Man City getur afrekað aftur í ár?

„Ég er ekki að hugsa um það núna, þetta er eitthvað sem ég mun hugsa um síðustu tvær eða þrjár vikur tímabilsins. Eins og staðan er núna þá hugsa ég bara um næsta leik, og hann er gegn Newcastle á morgun," svaraði Guardiola, en Man City yrði þá fyrsta enska félagið í sögunni til að vinna þrennuna eftirsóttu tvö ár í röð.

Kevin De Bruyne og Éderson verða ekki með gegn Newcastle vegna meiðsla. Jack Grealish gæti hins vegar tekið þátt í slagnum þar sem hann er kominn aftur úr meiðslum.