Það hafa borist úrslit úr tveimur af þremur leikjum kvöldsins í C-deild Lengjubikars karla, þar sem KFR og Tindastóll unnu á útivelli.
KFR lagði RB að velli þar sem Rangæingar þurftu að taka forystuna þrisvar sinnum til að bera sigur úr býtum gegn seigum andstæðingum.
KFR er því í öðru sæti fyrir lokaumferðina og þarf fimmtán marka sigur á útivelli gegn Létti til að eiga möguleika á toppsæti riðilsins.
Jónas Aron Ólafsson skoraði þá bæði mörk leiksins er Tindastóll lagði Skallagrím á útivelli.
Jónas skoraði mörkin í fyrri hálfleik til að tryggja Stólunum tveggja marka sigur.
Tindastóll er með fullt hús stiga eftir þrjár umferðir og á eftir að spla úrslitaleik við Kríu, sem er með betri markatölu, um toppsæti riðilsins.
Samherjar og KM mættust í botnslag riðilsins og hafði Knattspyrnufélagið Miðgarður betur þar, með þremur mörkum gegn einu.
RB 2 - 3 KFR
0-1 Stefán Bjarki Smárason ('34 )
1-1 Recoe Reshan Martin ('52 )
1-2 Helgi Valur Smárason ('62 )
2-2 Gabriel Simon Inserte ('68 )
2-3 Bjarni Þorvaldsson ('79 )
Skallagrímur 0 - 2 Tindastóll
0-1 Jónas Aron Ólafsson ('9 )
0-2 Jónas Aron Ólafsson ('42 )
KM 3 - 1 Samherjar
0-1 Gauti Snær Einarsson ('2 )
1-1 Tomasz Lukasz Kuchta ('7 )
2-1 Rúben Filipe Vasques Narciso ('39 )
3-1 Maciej Wladyslaw Maliszewski ('90 )
Athugasemdir