Fyrri hálfleikurinn var nokkuð jafn en Real Madrid leiddi í leikhlé eftir afar fjöruga byrjun á leiknum, þar sem þrjú mörk litu dagsins ljós á fyrstu átján mínútunum. Vinicius Junior og Dani Carvajal skoruðu fyrir Real á meðan Ante Budimir skoraði fyrir Osasuna.

Real tók algjöra stjórn á gangi mála í síðari hálfleik þar sem Brahim Diaz og Vinicius gerðu út um viðureignina með tveimur mörkum til viðbótar. Federico Valverde átti stórleik fyrir Real þar sem hann lagði þrjú af fjórum mörkum liðsins upp í 2-4 sigri.

Real er með tíu stiga forystu á toppi spænsku deildarinnar en Girona getur minnkað bilið aftur niður í sjö stig með sigri á útivelli gegn Getafe síðar í dag.

Fyrr í dag átti Mallorca heimaleik gegn Granada og úr varð góður slagur. Heimamenn í Mallorca voru sterkari aðilinn og verðskulduðu sigurmarkið sem Antonio Raillo skoraði á lokakaflanum.

Mallorca er átta stigum frá fallsvæðinu eftir þennan sigur, á meðan Granada er svo gott sem fallið niður um deild.

Osasuna 2 - 4 Real Madrid
0-1 Vinicius Junior ('4 )
1-1 Ante Budimir ('7 )
1-2 Daniel Carvajal ('18 )
1-3 Brahim Diaz ('61 )
1-4 Vinicius Junior ('64 )
2-4 Iker Munoz ('90 )

Mallorca 1 - 0 Granada CF
1-0 Antonio Raillo ('85 )