Emre Can ferðaðist með Liverpool hópnum í heita loftslagið á Marbella á Spáni þar sem undirbúningur fyrir leikinn gegn Real Madrid í Meistaradeildinni fer fram.
Læknalið Liverpool verður með Can í sínum höndum og athugar hvort hann geti tekið einhvern þátt í úrslitaleiknum í Kænugarði 26. maí.
Læknalið Liverpool verður með Can í sínum höndum og athugar hvort hann geti tekið einhvern þátt í úrslitaleiknum í Kænugarði 26. maí.
Þessi 24 ára Þjóðverji hefur verið að glíma við bakmeiðsli. Samningur hans við Liverpool rennur út í sumar og talað er um að hann gangi þá í raðir Juventus.
Can spilaði síðast fyrir Liverpool um miðjan mars en fór meiddur af velli í leik gegn Watford.
James Milner ferðaðist einnig með Liverpool en hann hefur jafnað sig af vöðvameiðslum sem héldu honum frá 4-0 sigrinum gegn Brighton um síðustu helgi.
Liverpool verður í fjóra daga á Marbella.
Athugasemdir