Þróttur Reykjavík er komið áfram í úrslitaleik Mjólkurbikars kvenna eftir leik við FH á Eimskipsvellinum í kvöld.

Þróttur lagði Selfoss að velli 4-1 í 8-liða úrslitum keppninnar á meðan FH vann Fylki með sömu markatölu.

Heimastúlkur voru ekki í miklum vandræðum í leik kvöldsins og fögnuðu að lokum sannfærandi 4-0 sigri.

Fyrsta mark leiksins skoraði Linda Líf Boama í fyrri hálfleik en þær Andrea Rut Bjarnadóttir og Dani Rhodes bættu við tveimur í þeim seinni.

Dani átti frábæra innkomu í þessum leik eins og kom fram í textalýsingu leiksins.

„Dani með sitt fyrsta mark í sínum fyrsta leik. Hún er búin að breyta leiknum með innkomu sinni!!" skrifar Guðmundur Aðalsteinn Ásgeirsson í lýsingu á leiknum.

Þróttur mun spila við annað hvort Breiðablik eða Val í úrslitaleiknum en þau lið eigast nú við í hinum undanúrslitaleiknum.

Þetta er í fyrsta sinn sem Þróttur spilar til úrslita í sögu félagsins.