Ejub Purisevic, þjálfari Víkings í Ólafsvík, var ánægður með hetjulega baráttu sinna leikmanna í kvöld en þó svekktur að hafa ekki komist í bikarúrslit. Enda var liðið aðeins örfáum sekúndum frá Laugardalsvellinum.
Breiðablik jafnaði með flautumarki í framlengingu og vann vítaspyrnukeppnina í undanúrslitum Mjólkurbikarsins.
Breiðablik jafnaði með flautumarki í framlengingu og vann vítaspyrnukeppnina í undanúrslitum Mjólkurbikarsins.
Lestu um leikinn: Breiðablik 6 - 4 Víkingur Ó.
„Við vorum virkilega góðir allan tímann og Breiðablik átti ekki svar. Þess vegna er grátlegt að fá jöfnunarmark þegar tíminn er liðinn. Liðið mitt spilaði mjög vel, bæði taktískt og í vinnuframlagi. Það er vond tilfinning að hafa ekki komist."
Bæði mörk Blika komu eftir einstaklingsmistök Ólsara.
„Sérstaklega fyrra markið. En við vorum að spila gegn einu besta liði landsins, ef ekki því besta."
Breiðablik fékk margar aukaspyrnur fyrir utan teiginn og sást vel á Ejub að hann var ekki sáttur með þá.
„Ég las greinina þína í gær um að það þurfi að vernda leikmenn og ég er sammála því. Mér fannst samt sumir dómararnir í kvöld bara brandari. 4-5 aukspyrnur voru bara gefins. Ég ætla ekki að tala meira um dómarana, ég vil frekar tala um mitt lið," segir Ejub.
Í viðtalinu tjáir hann sig meðal annars um framhaldið í Inkasso-deildinni.
Athugasemdir