Victor Moses, leikmaður Chelsea, hefur skrifað undir samning við Spartak Moskvu í rússnensku úrvalsdeildinni.
Moses er 29 ára gamall vængmaður sem getur þó einnig spilað í bakverði og vængbakverði.
Nígeríumaðurinn er alls ekki inni í myndinni hjá Frank Lampard, stjóra Chelsea, og gerði lánsamning við Spartak út tímabilið.
„Þetta gerðist mjög hratt fyrir sig og ég er hæstánægður með tækifærið í Rússlandi. Þetta er ný áskorun fyrir mig," sagði Moses eftir skiptin.
„Það var nokkuð augljóst að ég myndi ekki fá þær mínútur sem ég vildi á tímabilinu og kom því ekki til greina að vera áfram."
„Chelsea hefur styrkt sig mikið síðustu mánuði og töldum við það rétt að róa á önnur mið."
Athugasemdir