Það var fáránlegur leikur í Seríu C á Ítalíu í dag. Leikurinn var í A-riðli og var á milli Cuneo og Pro Piacenza.
Pro Piacenza er í miklum fjárhagsvandræðum og var aðeins með sjö leikmenn á skýrslu í dag. Allir þessir leikmenn eru unglingar. Þrátt fyrir að Pro Piacenza hafi aðeins verið með sjö leikmenn á skýrslu var ákveðið að spila leikinn. Þjálfari liðsins í dag er 19 ára gamall, en hann spilaði einnig leikinn.
Þetta var aldrei að fara enda vel fyrir Pro Piacenza og var staðan orðin 16-0 í hálfleik. Cuneo róaði leik sinn aðeins í seinni hálfleiknum og urðu lokatölur 20-0.
Cuneo er í 11. sæti deildarinnar, en Pro Piacenza er á botninum með átta stig.
Þess ber að geta að Cuneo hafði fyrir leikinn í dag skorað 18 mörk. Nú er liðið búið að skora 38 mörk.
Sveinn Aron Guðjohnsen er að spila í Seríu C á Ítalíu, en hann leikur í B-riðlinum með Ravenna.
😱 SCENES in the Serie C between Cuneo & Pro Piacenza
— The Sportsman (@TheSportsman) February 17, 2019
- Pro-Piacenza have a new manager, a 20 year old announced in the pre-game warm up
- Pro-Piacenza only able to field 7 players, aged between 16 and 19
- Cuneo managed to score 16 goals in the first half
📱 @mattyclark08 pic.twitter.com/IsxIukHUoi
Athugasemdir
