Leverkusen hefur verið eitt besta lið Evrópu á þessari leiktíð og ekki enn tapað leik í öllum keppnum.

Það var allt svona nokkurn veginn eftir bókinni í dag. Florian Wirtz kom Leverkusen í 1-0 en Ritsu Doan jafnaði átta mínútum síðar.

Gestirnir í Leverkusen skoruðu tvö mörk sitt hvoru megin við hálfleikinn og héldu þannig tveggja marka forystu fram að 79. mínútu er Yannik Keitel minnkaði muninn.

Lengra komst Freiburg ekki. Leverkusen er áfram á toppnum með 70 stig, tíu stiga forystu á Bayern München þegar átta umferðir eru eftir.

Borussia Dortmund vann á meðan Eintracht Frankfurt, 3-1, á Signal Iduna Park. Mario Götze skoraði gegn sínum gömlu félögum á 13. mínútu en Karim Adeyemi svaraði tuttugu mínútum síðar.

Mats Hummels og vítaspyrnumark Emre Can tryggði Dortmund sigurinn, sem er í 4. sæti með 50 stig.

Úrslit og markaskorarar:

Borussia D. 3 - 1 Eintracht Frankfurt
0-1 Mario Gotze ('13 )
1-1 Karim Adeyemi ('33 )
2-1 Mats Hummels ('81 )
3-1 Emre Can ('90 , víti)

Freiburg 2 - 3 Bayer
0-1 Florian Wirtz ('2 )
1-1 Ritsu Doan ('10 )
1-2 Adam Hlozek ('40 )
1-3 Patrik Schick ('53 )
2-3 Yannik Keitel ('79 )