Patrik Sigurður Gunnarsson spilaði síðari hálfleikinn með liði Brentford í dag sem mætti AFC Wimbledon í æfingaleik.
Brentford undirbýr sig nú fyrir keppni í ensku úrvalsdeildinni en liðið tryggði sér sæti í efstu deild í vetur.
Patrik spilaði allan síðari hálfleikinn fyrir Brentford en liðið hafði betur 1-0. Eina markið kom í fyrri hálfleik.
Patrik er fæddur árið 2000 en hann hefur leikið með Southend, Viborg og Silkeborg á láni frá Brentford.
Hann gekk fyrst í raðir enska félagsins frá Breiðablik árið 2018 og á að baki 12 landsleiki fyrir U21 landslið Íslands.
Athugasemdir