Um var að ræða Íslendingaslag gegn Silkeborg. Sævar Atli Magnússon er einnig leikmaður Lyngby en hann kom inná sem varamaður í dag. Stefán Teitur Þórðarsson lék stærsta hluta leiksins í liði Silkeborg.
Leiknum lauk með 2-2 jafntefli þar sem Lyngby komst í tveggja marka foyrstu en missti forskotið niður í síðari hálfleik.
Sogndal heimsótti Ranheim í norsku deildinni í dag. Hörður Ingi Gunnarsson, Jónatan Ingi Jónsson og Valdimar Þór Ingimundarson voru allir í byrjunarliði Sogndal.
Valdimar kom Sogndal yfir eftir sendingu frá Jónatani og liðið var 1-0 yfir í hálfleik. Þeir náðu að tvöfalda forystuna en Ranheim tókst að jafna. Jónatan kom svo Sogndal í 3-2 en Ranheim jafnaði aftur þegar skammt var til leiksloka, 3-3 lokatölur.
Óli Valur spilaði sinn fyrsta leik í Svíþjóð
Óli Valur Ómarsson gekk til liðs við Sirius í sænsku úrvalsdeildinni á dögunum frá Stjörnunni en hann byrjaði á bekknum í leik gegn Degerfoss. Aron Bjarnason var tekinn af velli þegar skammt var til leiksloka. Sirius vann leikinn 2-0.
Kalmar tapði gegn AIK 1-0 en Daníel Leó Ólafsson var tekinn útaf í liði Kalmar undir lok leiksins. Þá steinlág Elfsborg gegn Hammarby 3-0. Sveinn Aron Guðjohnsen lék síðasta hálftímann en náði ekki að setja mark sitt á leikinn.
