Ólafur Þór Guðbjörnsson mun hætta sem þjálfari kvennaliðs Stjörnunnar eftir þetta tímabil. Þessar fregnir staðfesti hann við Morgunblaðið í kvöld.
„Ég hef tilkynnt forráðmönnum Stjörnunnar það að ég verði ekki áfram með liðið á næstu leiktíð," sagði Ólafur við Morgunblaðið.
Hann staðfesti jafnframt að úverandi þjálfarateymi liðsins, þau Andrés Ellert Ólafsson og Þóra Björg Helgadóttir muni einnig stíga til hliðar hjá Stjörnunni.
Stjarnan vann FH 4-1 í kvöld en liðið mun enda í þriðja sæti Pepsi-deildarinnar í sumar.
Ólafur hefur þjálfað kvennalið Stjörnunnar frá 2014 en hann þjálfaði liðið einnig 2010. Ólafur gerði Stjörnuna að Íslandsmeisturum 2014 og 2016, og að bikarmeisturum 2014 og 2015. Áður en hann tók við Stjörnunni var hann að þjálfa U17 og U19 kvennalandslið Íslands.
Sjá einnig:
Ólafur Þór: Við ætluðum að spara peninga
Athugasemdir