Sky Sports greinir frá því nú rétt í þessu að Liverpool hafi beðið ensku úrvalsdeildina um að rannsaka notkun VAR í viðureign liðsins gegn Everton í dag.
Grannaslagur helgarinnar fór fram í hádeginu en honum lauk með 2-2 jafntefli á Goodison Park.
Liverpool-menn héldu að þeir væru búnir að tryggja sigurinn undir lokin áður en mark Jordan Henderson var dæmt af vegna rangstöðu á Sadio Mane.
VAR var að sjálfsögðu notað til að skoða atvikið nánar en rangstaðan virkaði gríðarlega tæp.
Liverpool var einnig ósátt með brot Jordan Pickford á Virgil van Dijk snemma leiks en sá síðarnefndi þurfti að yfirgefa völlinn eftir aðeins 11 mínútur.
Meistararnir eru ósáttir með að VAR hafi ekki verið notað í því broti og fékk Michael Oliver, dómari leiksins, ekki orð í eyra frá David Coote í VAR-herberginu.
Jurgen Klopp, stjóri Liverpool, var sjálfur mjög reiður eftir leik og setti stórt spurningamerki við notkun tækninnar í leiknum.
Athugasemdir