Liðin mætast í hádeginu á morgun og verður leikurinn sýndur í beinni útsendingu á Stöð 2 Sport.

Manchester United tekur svo á móti Brighton á sama tíma og Liverpool fær Crystal Palace í heimsókn. Heimaleikur Man Utd var valinn fyrir beina útsendingu enda getur liðið komist yfir Arsenal og í Evrópusæti með sigri.

Íslendingaliðin þrjú eiga öll áhugaverða útileiki á sama tíma og þá tekur Bournemouth á móti West Ham í spennandi viðureign.

Síðasti leikur laugardagsins er jafnframt stórleikur helgarinnar þar sem erkifjendurnir Arsenal og Chelsea eigast við á Emirates leikvanginum.

Arsenal sárvantar sigur eftir slakt gengi að undanförnu, en Chelsea er sex stigum á undan í Meistaradeildarbaráttunni.

Þjálfaralaust botnlið Huddersfield tekur á móti Englandsmeisturum Manchester City á sunnudaginn áður en Fulham lýkur helginni á Lundúnaslag gegn Tottenham á Craven Cottage.

Laugardagur:
12:30 Wolves - Leicester (Stöð 2 Sport)
15:00 Man Utd - Brighton (Stöð 2 Sport)
15:00 Liverpool - Crystal Palace
15:00 Newcastle - Cardiff
15:00 Southampton - Everton
15:00 Watford - Burnley
15:00 Bournemouth - West Ham
17:30 Arsenal - Chelsea (Stöð 2 Sport)

Sunnudagur:
13:30 Huddersfield - Man City (Stöð 2 Sport)
16:00 Fulham - Tottenham (Stöð 2 Sport)