„Þetta var baráttan sem við bjuggumst við og andrúmsloftið sem við bjuggumst við. Ég elskaði marga hluta leiksins hjá okkur. Við erum 1-0 undir í hálfleik og spilum seinni hálfleikinn heima."

„Það vantaði upp á hjá okkur á síðasta þriðjungnum. Þeir gáfu allt sem þeir áttu í varnarleikinn - varnarleikur þeirra í teignum þeirra var ótrúlegur. Fyrir þá hefðu 0-0 verið góð úrslit."

Klopp segir að leikmenn Atletico hafi farið auðveldlega niður í leiknum. „Þú þarft sterkan dómara í þessu andrúmslofti. Á fyrstu 30 mínútum leiksins höfðu þrír leikmenn þeirra fallið í jörðina og ég veit ekki af hverju."

„Þetta er allt í góðu. Við erum 1-0 undir í hálfleik og núna fáum við langan hálfleik."

Seinni leikurinn fer fram á Anfield um miðjan mars. Liverpool þekkir það vel að koma til baka gegn spænsku liði í Meistaradeildinni. Það muna allir eftir undanúrslitaeinvíginu gegn Barcelona í fyrra.

„Verið velkomin á Anfield, þetta er ekki búið," sagði Klopp.