Rúnar Páll, þjálfari karlaliðs Stjörnunar var sáttur með sigur sinna manna í Meistarakeppni KSÍ fyrr í kvöld. Rúnar sagðist vonast eftir því að þetta væri fyrsti titill Stjörnumanna af mörgum í ár.
„Við spiluðum ágætlega í dag, vorum skipulagðir og flottir. Þetta var erfitt í seinni hálfleik þegar Valur lágu aftarlega. Við fengum ekki mörg færi en þó einn og einn möguleika þar sem við hefðum geta sett á þá en það er alltaf gaman að vinna titla."
„Við spiluðum ágætlega í dag, vorum skipulagðir og flottir. Þetta var erfitt í seinni hálfleik þegar Valur lágu aftarlega. Við fengum ekki mörg færi en þó einn og einn möguleika þar sem við hefðum geta sett á þá en það er alltaf gaman að vinna titla."
Lestu um leikinn: Valur 5 - 6 Stjarnan
Stjörnunni var spáð fimmta sæti í árlegri spá Fótbolta.net í ár en Rúnar var ekki sammála því.
"Ég hef ekkert um það að segja, það skiptir engu máli hvað þeir spá og bara gaman að því. Spá er bara spá og við vitum alveg hvað við stöndum fyrir."
Baldur Sigurðsson, einn lykilmanna Stjörnunnar byrjaði á bekknum en Rúnar sagði hann ekki vera tæpan. "Hann fór í aðgerð á hné eftir áramót og er að vinna sig í stand."
Að lokum sagði hann Stjörnumenn vera með flottan hóp og ekki væri von á neinum hreyfingum á leikmannaskiptamarkaðnum hjá sínu liði. Sigurbjörn Hreiðarsson, aðstoðarþjálfari Valsara skaut sér þá inn í viðtalið og sagði það ekki rétt í léttu gríni.
Athugasemdir