Hann kemur frá þýska stórveldinu Bayern München og skrifar undir fjögurra ára samning. Talið er að kaupverðið sé í kringum tíu milljónir punda.

Roca er 25 ára gamall miðjumaður sem kom til Bayern frá Espanyol fyrir tveimur árum.

Hann hefur ekki verið í mjög stóru hlutverki hjá Bayern og kemur til með að fá stærra hlutverk hjá nýju félagi sínu.

Leeds hefur verið að gera virkilega vel á leikmannamarkaðnum í sumar og er Roca þriðji leikmaðurinn sem kemur til félagsins eftir að síðasta tímabili lauk. Félagið var áður búið að kaupa tvo leikmenn frá Salzburg í Austurríki; þá Brenden Aaronson og Rasmus Kristensen.

Leeds náði að bjarga sér og halda sæti sínu í ensku úrvalsdeildinni á lokadegi deildarinnar í síðasta mánuði.