Það voru tveir leikir að klárast í Inkasso-deild karla og voru áhugaverð úrslit í fallbaráttuslag.
Selfoss fékk Hauka í heimsókn og fengu gestirnir úr Hafnarfirði kennslustund.
Hrvoje Tokic kom Selfossi 1-0 yfir og var staðan þannig í hálfleik. Tokic átti eftir að fullkomna þrennuna í seinni hálfleik en lokatölurnar urðu 5-0 fyrir Selfoss.
Þessi lið eru að berjast á botninum. Selfoss var í fallsæti fyrir leikinn en Haukar eru komnir þangað núna. Gengi Haukar hefur verið afleitt að undanförnu og hefur liðið ekki unnið fótboltaleik síðan í lok júní.
Í hinum leiknum sem var að klárast sigraði ÍA gegn ÍR í Breiðholtinu. Sigurinn var sanngjarn, 2-0 og er ÍA á toppi deildarinnar með 39 stig. ÍR er í fallbaráttu ásamt Haukum, Selfossi, Njarðvík, Leikni og Magna.
ÍR 0 - 2 ÍA
0-1 Stefán Teitur Þórðarson ('25 )
0-2 Jeppe Løkkegaard Hansen ('73 )
Rautt spjald: Gísli Martin Sigurðsson , ÍR ('88)
Lestu nánar um leikinn
Selfoss 5 - 0 Haukar
1-0 Hrvoje Tokic ('33 )
2-0 Hrvoje Tokic ('49 )
3-0 Kristinn Pétursson ('54 , sjálfsmark)
4-0 Guðmundur Axel Hilmarsson ('74 )
5-0 Hrvoje Tokic ('83 )
Lestu nánar um leikinn
Tveir leikir voru að hefjast klukkan 14:00 og eru þeir auðvitað í beinni textalýsingu á Fótbolta.net. Hægt er að nálgast textalýsingar á forsíðu.
Athugasemdir