Steven Gerrard fær tvo leiki til að bjarga starfinu hjá Aston Villa; gegn Brentford í vikunni og Fulham um helgina. Villa er aðeins einu stigi frá fallsæti. (Express)

Aston Villa hefur áhuga á að ráða Mauricio Pochettino sem mögulegan stjóra í stað Steven Gerrard. Óvíst er hvort Pochettino muni hafa áhuga. (Telegraph)

Graham Potter, stjóri Chelsea, hefur áhuga á að sækja Leandro Trossard (27) frá Brighton. Þá hefur Dan Ashworth, íþróttastjóri Newcastle, einnig áhuga á að krækja í belgíska landsliðsmanninn. (90 min)

Franski miðjumaðurinn N'Golo Kante (31) hefur enn ekki náð samkomulagi við Chelsea um nýjan samning og talið er að hann gæti yfirgefið félagið á frjálsri sölu næsta sumar. (Fabrizio Romano)

Portúgalski framherjinn Joao Felix (22) hjá Atletico Madrid er ekki til sölu. Hann hefur verið orðaður við Manchester United og umboðsmaður hans Jorge Mendes er að skoða möguleika fyrir leikmanninn á næsta ári. (Here We Go podcast)

Diego Simeone, stjóri Atletico, segist ekki hafa íhugað að kaupa portúgalska framherjann Cristiano Ronaldo (37) frá Manchester United í janúar vegna fortíðar hans hjá Real Madrid. (Tigo Sports)

Barcelona reyndi að fá Karim Benzema árið 2008, þegar leikmaðurinn var hjá Lyon. Benzema hafnaði félaginu og gekk ári síðar í raðir Real Madrid. (Mundo Deportivo)

Umboðsmaður sóknarmannsins Victor Osimhen (23), sem hefur verið orðaður við Manchester United og Arsenal, segir að nígeríski landsliðsmaðurinn hafi ekki í hyggju að yfirgefa Napoli. (Goal)

Úlfarnir hafa rætt við Peter Bosz, fyrrum stjóra Lyon, Leverkusen og Dortmund. Bosz er einn af þeim sem kemur til greina sem næsti stjóri. (Telegraph)

Portúgalski framherjinn Rafael Leao (23) er í viðræðum um nýjan samning hjá AC Milan. Chelsea hefur horft löngunaraugum til hans. (Express)

Brasilíski framherjinn Neymar (30) mun væntanlega missa af leik Paris St-Germain gegn Ajaccio á föstudag þar sem hann á að mæta í dómssal vegna skipta sinna frá Santos til Barcelona 2013. (Football Transfers)

Brentford hefur hafið viðræður við Thomas Frank um nýjan samning, aðeins níu mánuðum eftir að hann skrifaði undir núgildandi samning. (Telegraph)

Michael Carrick, fyrrum miðjumaður Manchester United og Englands, hefur rætt frekar við Middlesbrough og útlit er fyrir að hann taki við sem stjóri liðsins. (Mail)

Juventus er tilbúið að selja bandaríska miðjumanninn Weston McKennie (24) sem er á óskalista Tottenham. (Calciomercato)

Atletico Madrid gæti verið tilbúið að selja argentínska miðjumanninn Rodrigo De Paul (28) en Juventus fylgist með gangi mála. (Calciomercato)