Enska úrvalsdeildarfélagið Brighton hafnaði í dag 55 milljón punda tilboði Chelsea í Moises Caicedo. Þetta kemur fram í Athletic í dag.
Chelsea hefur þegar keypt fjóra leikmenn í þessum glugga en þeir Mykhailo Mudryk, Joao Felix, Benoit Badiashile og David Datro Fofana sömdu við félagið og er nú félagið að vinna í fimmta leikmanninum.
Félagið vill fá Moises Caicedo, leikmann Brighton, en í dag lagði það fram skriflegt tilboð upp á 55 milljónir punda, sem var hafnað um leið.
Caicedo fær ekki að fara frá Brighton í þessum mánuði og er gert ráð fyrir því að hann spili út tímabilið.
Brighton er að selja Leandro Trossard til Arsenal og verður það frágengið á næstu dögum en annars ætlar félagið að halda öðrum stjörnum liðsins.
Athugasemdir