Alfreð Elías Jóhannsson, þjálfari Selfoss, var nokkuð sáttur eftir sigur sinna stelpna gegn Þór/KA í Pepsi-Max deildinni í dag. Selfyssingar komu til baka eftir að hafa lent undir í leiknum.
„Við eigum í pínu brasi með það að stjórna leikjum, það er svolítið nýtt fyrir okkur. Við fundum lausnir við þeirra varnarleik í seinni hálfleik," sagði Alfreð eftir leikinn.
„Við eigum í pínu brasi með það að stjórna leikjum, það er svolítið nýtt fyrir okkur. Við fundum lausnir við þeirra varnarleik í seinni hálfleik," sagði Alfreð eftir leikinn.
Lestu um leikinn: Selfoss 2 - 1 Þór/KA
„Þetta var ekkert lélegt í fyrri hálfleik en við vorum heldur ekkert að skapa nóg. Þær fengu eitt færi í leiknum og skora úr því sem er vel gert hjá þeim. Við áttum að gera betur í fyrri hálfleik."
Alfreð viðurkennir að hafa talað ansi hressilega til sinna stelpna í hálfleik.
„Það var bara tekinn góður hárblásari á þær. Ég er búin að vera mjög sparsamur á þær. Ég notaði bara vel valin orð en það er leiðinlegt að þurfa að öskra á menn, en ég vil meina að það hafi virkað.".
Viðtali við Alfreð má sjá í heild sinni hér að ofan.
Athugasemdir