Arnar Gunnlaugsson.
Arnar Gunnlaugsson stýrði Víkingum til sigurs í markasúpuleik í Fossvoginum í dag.
„Loksins hrundu flóðgáttirnar hjá okkur, mér fannst við virkilega sterkir frá upphafi til enda. Héldum bolta mjög vel, þreyttum þá verulega í fyrri hálfleik. Þeir reyndu að pressa okkur en við leystum það og lögðum grunninn að síðari hálfleik þar," sagði Arnar í viðtali eftir leik.
„Loksins hrundu flóðgáttirnar hjá okkur, mér fannst við virkilega sterkir frá upphafi til enda. Héldum bolta mjög vel, þreyttum þá verulega í fyrri hálfleik. Þeir reyndu að pressa okkur en við leystum það og lögðum grunninn að síðari hálfleik þar," sagði Arnar í viðtali eftir leik.
Lestu um leikinn: Víkingur R. 6 - 2 ÍA
Víkingar voru með demantsmiðju í 4-4-2 leikkerfinu i kvöld.
„Við erum búnir að prófa fjórar til fimm leikaðferðir í sumar og erum orðnir vel drillaðir í að breyta taktík. Það kemur andstæðingnum á óvart í hvert skipti þegar við stillum upp liði því þú veist ekki hvað þú færð."
Halldór Smári Sigurðsson var ekki í hóp í dag og Ingvar markmaður varð að fara útaf í hálfleik.
„Við erum búnir að vera í ströggli með miðjumennina og markmennina í sumar. Ingvar fékk högg á hnéð og varð að fara útaf. Sölvi kemur inn í næsta leik en ég hef verið ánægður með strákana í síðustu tveimur leikjum. Mér finnst við vera komnir út úr öldudalnum og á okkar gamla góða skrið."
Víkingar fara með sigrinum í toppbaráttuna á ný.
„Sko. Til að vinna titla þá þarftu fyrst og fremst að vera með gæði, smá heppni og svo þarftu momentum eins og mér finnst KR og Stjarnan hafa. Við vorum með það þangað til á 25.mínútu á móti KR og misstum það aðeins en mér finnst við vera að ná því aftur."
„Ég þekki það að vinna titla sem leikmaður og þjálfari. Það snýst um að kunna að nýta það mómentum sem þú færð."
Nánar er rætt við Arnar í viðtalinu sem fylgir.
Athugasemdir
