Björgvin Máni Bjarnason, leikmaður KA, mun næstu daga æfa með sænska B-deildarfélaginu Örgryte.
Björgvin er fæddur árið 2004 og þykir gríðarlegt efni en hann lék með KA-mönnum í Lengjubikarnum fyrr á þessu ári. Þá hefur hann æft með yngri landsliðum Íslands.
Hann er nú mættur til Svíþjóðar þar sem hann mun æfa með Örgryte í viku. Björgvin fór einnig á reynslu fyrir tveimur árum hjá danska liðinu Midtjylland.
Örgryte er í sænsku B-deildinni og situr í 8. sæti deildarinnar með 37 stig.
Athugasemdir