„Hann er hættur og verður ekki með okkur í sumar. Hann hefur staðið sig frábærlega, það er skarð fyrir skildi. Það er brjálað að gera hjá honum í tónlistinni og það er erfitt að sameina þetta," sagði Heimir eftir 2-0 sigur liðsins á Þrótti í dag.

Jón Ragnar á allt í allt 212 leiki með FH í öllum keppnum og hefur skorað í þeim eitt mark.

Bakvörðurinn á einnig leiki með Þrótti en hann hefur verið langstærsta hluta ferilsins hjá FH.

Jón var mjög sigursæll hjá FH en með hann innanborðs vann liðið m.a sjö íslandsmeistaratitla og tvo bikarmeistaratitla.