Það er talið að Manchester City muni reyna aftur við brasilíska miðjumanninn Lucas Paqueta í sumar.
City var nálægt því að fá Paqueta síðasta sumar áður en enska úrvalsdeildin fór að rannsaka hann vegna mögulegs brots á veðmálareglum.
Daily Mail segir að City sé enn með Paqueta á óskalista sínum en það eru sögur um að stutt sé í að rannsókninni gagnvart honum muni ljúka.
Enn er óljóst hvað kemur út úr rannsókninni en City er áfram með augastað á þessum hæfileikaríka miðjumanni.
Paqueta er sagður spenntur fyrir mögulegum skiptum til City en sagan segir að riftunarákvæði upp á 86 milljónir punda verði virkt í samningi hans hjá West Ham í sumar.
Athugasemdir